საერთაშორისო სამართლებრივი თანამშრომლობის გერმანული ფონდის (IRZ) მხარდაჭერითა და ქართული, გერმანული და საერთაშორისო სისხლის სამართლის ინსტიტუტის ორგანიზებით მიმდინარე წლის 4-5 ნოემბერს საქართველოს უნივერსიტეტში გაიმართება პირველი საერთაშორისო კონფერენცია ეკონომიკური სისხლის სამართლის ევროპეიზაციის საკითხებზე. მასში მონაწილეობას მიიღებენ და მოხსენებებს გააკეთებენ პროფესორები გერმანიის წამყვანი უნივერსიტეტებიდან (ბერლინი, მიუნხენი, თიუბინგენი, კიოლნი). ქართული მხრიდან მომხსენებლები იქნებიან როგორც პრაქტიკოსი იურისტები, ასევე პროფესორები.

აღსანიშნავია, რომ ეს არის ჩვენი ინსტიტუტის პირველი მსგავსი ოფიციალური პროექტი კიოლნის უნივერსიტეტის სისხლის სამართლისა და სისხლის სამართლის პროცესის ინსტიტუტთან თანამშრომლობის ფარგლებში (ხელმძღვ. პროფ. ვასმერი).

დასწრება თავისუფალია!
კონფერენციაზე განხორციელდება თარგმანი.

თარიღი: 04.11.2016
ადგილი: საქართველოს უნივერსიტეტი, მე-4 კორპუსი, #519
დრო: 4 ნოემბერი - 10:00 - 17:30
5 ნოემბერი - 10:00 - 17:30